Novalac – Често поставувани прашања

Дали можам да користам вода од чешма за подготовка на млечна формула или морам да користам флаширана вода?

Секако, можете да користите вода од чешма, но мора да ја зовриете пред да ја користите. Откако ќе зоврие, изладете ја на препорачаната температура и подгответе го оброкот според упатствата на конзервата. Доколку преферирате, можете да користите и флаширана вода, а постапката за подготовка е иста.

Колку долго треба да ја варам водата за да подготвам млечна формула и на која температура треба да ја изладам?

Прво зовријте ја водата, потоа изладете ја на приближно 37 °C, т.е. телесна температура, пред да ја измешате со млечната формула. Добро протресете за прашокот целосно да се раствори во шишето. Секогаш проверувајте ја температурата повторно пред хранење за да бидете сигурни дека не е премногу жешка.

Колку брзо треба бебето да ја испие подготвената млечна формула од шишето?

Најдобро е веднаш да му понудите на вашето бебе свежо подготвен оброк. Ако направите пауза за време на хранењето (за да смените пелена, да го смирите бебето итн.), не го чувајте оброкот за подоцна. Од безбедносни и хигиенски причини, се препорачува вашето бебе да го испие целиот оброк одеднаш, а остатокот да го фрли.

Може ли да го подготвам млекото во шишето однапред?

Млечната формула секогаш треба да се подготвува непосредно пред секое хранење, бидејќи тоа е единствениот начин да бидете апсолутно сигурни дека храната е безбедна.

За да го олеснат хранењето во текот на ноќта, родителите можат однапред да зовријат вода и да ја складираат во термос.

Моето бебе не го завршува оброкот одеднаш. Може ли да му го понудам подоцна?

За жал, не. Кога вашето бебе пие од шише, микроорганизмите во преостанатата храна можат да се размножуваат побрзо, па затоа е најбезбедно да ја фрлите не искористената храна.

Разбираме дека ова понекогаш може да биде тешко, особено ако вашето бебе штотуку почнало да пие од шише, но безбедноста секогаш е на прво место кога станува збор за бебиња.

Како да ја измерам точната количина вода и млечна формула?

Кога подготвувате оброк, секогаш следете го ова правило: милилитрите наведени во упатствата за подготовка се однесуваат на количината на вода што мора да ја измерите пред да го додадете прашокот.

Општото правило е: 1 дозерка млечна формула на 30 мл вода.

Бројот на дозерки секогаш е означен на пакувањето.

Откако ќе ја измерите точната количина на вода и млечна формула, добро протресете го шишето и проверете ја температурата на неговата содржина.

Може ли да додадам повеќе дозерки млечна формула ако мислам дека моето бебе е сè уште гладно?

Целосно разбираме: кога бебето се чини дека е сè уште гладно, тоа може да биде стресно за родителите.

Сепак, не е препорачливо да додавате повеќе дозерки млечна формула од препорачаното.

Млечните формули Novalac се прецизно прилагодени на нутритивните потреби на бебињата според нивната возраст. Ако додадете повеќе млечна формула и помалку вода во оброкот, се нарушува точниот сооднос на хранливи материи и течности, што може да го оптовари варењето и бубрезите на доенчето и да предизвика запек или други гастроинтестинални проблеми.

Доколку чувствувате дека вашето бебе е сè уште гладно по оброкот, препорачуваме:

– проверете дали го подготвувате оброкот точно според упатствата на пакувањето,

– понудете му на вашето бебе дополнителен оброк наместо да го згуснете постоечкиот,

– или побарајте совет од педијатар или фармацевт, кои ќе можат да ви помогнат да процените дали на вашето дете му е потребно различно нутритивно решение.

Секое бебе има свој ритам и апетит, па затоа е добро да се почитува ова, а воедно да се остане во рамките на безбедните и докажани препораки.

Дали е нормално да се појави талог во шишето?

Да, ова може да биде сосема нормално и обично не е причина за грижа.

Млечните формули Novalac се направени од природни состојки, па затоа може да има мали разлики во изгледот на млечната формула помеѓу поединечните серии. Повремено, дел од млечната формула може да не се раствори целосно, што предизвикува појава на мал талог во шишето.

За да го спречите ова колку што е можно повеќе, препорачуваме:

– секогаш подготвувајте го млекото според упатствата на пакувањето,

– додадете ја млачната формула во вода што е правилно загреана (ниту премногу топла ниту премногу ладна),

– добро протресете го шишето додека прашокот не се раствори рамномерно.

Доколку бебето пие нормално, се чувствува добро и нема гастроинтестинални тегоби, талогот обично не влијае на квалитетот или безбедноста на оброкот.

Меѓутоа, доколку забележите какви било значајни промени или имате какви било загрижености, ве советуваме да се обратите кај вашиот фармацевт или педијатар.

Зошто млекото понекогаш тече побавно низ цуцлата (на пр. со формулата Novalac AR Digest +)?

Ова е очекувано и е поврзано со намената на млечната формула.

Во формулата Novalac AR Digest +, млекото е природно погусто бидејќи е прилагодено за бебиња кои имаат потешкотии со бљуцкање. Формулата содржи иновативен згуснувач од три компоненти (пектин, скроб и влакна) кој ја згуснува содржината во желудникот.

Поради оваа згусната структура, млекото може да тече побавно низ цуцлата или може да биде потешко да се помине низ цуцла со мала дупка (на пр. големина S или 1).

Што можете да направите?

– Користете цуцла со поголем отвор (на пр. големина 2 или 3), дизајнирана за погусти течности.

– Секогаш подготвувајте ја млечната формула точно според упатствата на пакувањето.

– Добро протресете го шишето по подготовката и веднаш понудете го оброкот (не го подготвувајте однапред).

Важно:

Не препорачуваме сами да го зголемувате отворот на цуцлата бидејќи бактериите можат да се насоберат во пукнатините и станува потешко темелно да се исчисти цуцлата.

Ако вашето бебе инаку ја толерира формулата и се чувствува добро, побавниот проток на течност не е проблем; тоа е едноставно дел од начинот на кој функционира млечната формула.

Ако проблемите продолжат и покрај прилагодувањата, консултирајте се со вашиот педијатар или фармацевт.

Колку долго може да се користат формулите Novalac по отворањето на лименката?

По отворањето, формулата Novalac може да се користи до три недели, под услов да се чува правилно и лименката цврсто да се затвора по секоја употреба. На тој начин формулата ќе го задржи својот квалитет и безбедност.

Како и каде треба да се чува отворената лименка?

Отворената лименка чувајте ја на суво, темно и ладно место, на собна температура. Не ја чувајте лименката во фрижидер.

Важно е лименката секогаш да биде добро затворена и заштитена од влага.

Дали чувањето на формулата во фрижидер го продолжува нејзиниот рок на траење?

Не. Чувањето во фрижидер не го продолжува рокот на траење. Напротив – поради влагата и температурните разлики може да се променат текстурата (да се појават грутки), мирисот или вкусот. Затоа не се препорачува чување на формулата во фрижидер.

Дали може да постојат разлики во бојата, мирисот или текстурата помеѓу различни серии на млекото?

Да, тоа е сосема нормално. Формулите Novalac се произведуваат од природни состојки, првенствено од свежо млеко, па затоа кај поединечни серии може да се појават мали разлики во:

• бојата,
• мирисот или
• структурата.

Овие разлики не влијаат на квалитетот, безбедноста или нутритивната вредност на производот. Имено, секоја серија мора да помине повеќе од 700 строги контроли на квалитет пред да биде пуштена на пазарот.

Зошто формулата Novalac купена во друга држава има поинаков изглед или состав?

Формулите Novalac се приспособени на локалните нутритивни насоки и законски прописи на различните пазари, а ги дистрибуираат различни официјални дистрибутери.

Во Македонија, официјален застапник за Novalac е Medis, кој ги набавува млечните формули директно од производителот и обезбедува правилно складирање, следливост и целосна документација за квалитетот.

За жал, овие гаранции не можат да се обезбедат за производи купени надвор од официјалната дистрибутивна мрежа во Македонија.

Како можам да знам дека формулата купена во Македонија е оригинална и безбедна?

Формулите Novalac купени во Македонија:

• се достапни во аптеките
• се со гарантирано европско потекло (Германија и Франција),
• пред да стигнат на продажните места поминуваат повеќе од 700 тестови пред, за време и по производството,
• имаат целосна документација за квалитет, како и сите потребни сертификати и анализи

Тоа значи дека родителите можат да бидат сигурни дека формулите се:

• оригинални,
• безбедни,
• со врвен квалитет,
• соодветни за доенчиња.

Доколку имате какви било сомнежи во врска со изгледот, серијата или самиот производ, секогаш можете да се обратите кај здравствен работник или кај нас, а ние со задоволство ќе ви помогнеме.

Дојам, но сакам да воведам формула – кога и како можам да го направам тоа?

Мајчиното млеко е најдобриот избор за исхрана на доенчињата, поради што се препорачува доење во првите шест месеци од животот, доколку мајката и бебето имаат можност за тоа.

Меѓутоа, ако од која било причина одлучите да воведете формула за доенчиња, направете го тоа постепено и смирено.

Ве советуваме:

• започнете со замена на едно доење дневно (на пример, пладневниот оброк),
• воведете ја новата формула најмалку 2–3 дена пред да го замените следниот оброк,
• набљудувајте го вашето доенче (како се чувствува, дали има дигестивни тегоби и како го прифаќа шишенцето).

Тоа ќе му помогне полесно да се приспособи, а истовремено ќе го намали ризикот од гастроинтестинални тегоби.

Дали можам да дојам и истовремено да воведувам формула за доенчиња?

Да, секако. Комбинирањето на доењето и формулата е можно и е вообичаена практика.

Сепак, важно е да се има предвид дека:

• помалку доење значи и помало производство на мајчино млеко,
• доенчето често полесно и побрзо пие од шишенце, па подоцна може да има помала желба за доење.

Затоа ви советуваме комбинацијата да ја воведувате постепено и, доколку имате дилеми, консултирајте се со педијатар или патронажна сестра.

Дали можам истовремено да дојам и да воведувам цврста храна?

Да. Воведувањето на цврста храна не значи крај на доењето.

Воведувањето на цврста храна обично започнува со:

• замена на еден млечен оброк со цврста храна,
• најпрво зеленчук, потоа овошје, а подоцна и месо.

И по воведувањето на цврста храна, можете да продолжите да го доите вашето дете секогаш кога има потреба.

Дури и по воведувањето на цврстата храна, мајчиното млеко останува важен дел од исхраната на детето.

Како можам да знам дали моето дете добива доволно млеко при доење?

Најсигурни знаци дека вашето доенче добива доволно млеко се:

• доволен број мокри пелени (обично 5–7 дневно по првите неколку дена),
• редовна столица (иако кај доенчињата кои се хранат со мајчино млеко, зачестеноста може да варира),
• добро напредување во телесната тежина,
• бебето е активно, расположено и има здрав изглед кога е будно.

Најдобар показател дека доенчето добива доволно храна е неговиот правилен раст и развој.

Моето мајчино млеко изгледа ретко – дали е доволно хранливо?

Да. Изгледот на мајчиното млеко не е показател за неговата хранлива вредност.

Мајчиното млеко природно е посветло и потечно од кравјото млеко, а неговиот состав се менува во текот на денот и во различни фази од доењето за да ги задоволи потребите на бебето.

Доколку млекото ви изгледа поретко, тоа не значи дека е помалку хранливо. Мајчиното млеко природно ги содржи сите хранливи материи што му се потребни на бебето за правилен раст и развој.

Дали исхраната на мајката влијае на вкусот и квалитетот на нејзиното млеко?

Да, до одреден степен.

За да обезбедите квалитетно мајчино млеко, ви препорачуваме:

• да имате разновидна и урамнотежена исхрана,
• да пиете доволно течности,
• да избегнувате алкохолни пијалаци и пушење.

Некои зачинети намирници (на пример кромид, лук, зелка и зачини) можат благо да го променат вкусот на вашето млеко. Доенчето често ја забележува промената во вкусот, што може да се забележи преку неговите реакции при доење.

Доенчето има дијареа или запек – дали треба да престанам да дојам?

Не. Не престанувајте со доење.

Ако доенчето има дијареа, доењето е особено важно бидејќи помага да се спречи дехидратација.

По совет на педијатар или друг здравствен работник, доколку е потребно, може да се примени орален раствор за рехидратација.

Кај бебињата хранети со мајчино млеко, зачестеноста на столицата може значително да варира, што е сосема нормално. Дури и ако детето нема столица неколку дена, тоа не мора да биде причина за загриженост, доколку столицата е мека и детето не покажува знаци на непријатност или болка.

Меѓутоа, ако забележите дека вашето доенче има болки, се напрега или има промена во конзистенцијата на столицата, консултирајте се со педијатар.

Не можам да дојам – која формула треба да ја изберам за моето дете?

Свесни сме дека одлуката за хранење на вашето дете може да биде емоционално напорна за вас.

Доколку доењето не е можно или не е доволно, важно е да знаете дека понудата на Novalac вклучува многу висококвалитетни и внимателно развиени формули кои му ги обезбедуваат на детето сите потребни хранливи материи за оптимален раст и развој.

Изборот на формула зависи првенствено од:

• возраста на детето,
• неговите нутритивни потреби,
• можни гастроинтестинални тегоби (на пр. колики, запек, блуцкање).

Доколку вашето бебе нема посебни гастроинтестинални проблеми, универзалните формули вообичаено се соодветни за него. Меѓутоа, ако се справува со проблеми како што се колики, запек, подригнување и алергии, достапни се специјално адаптирани формули кои се развиени за специфични потреби (честопати наречени специјални формули).

При избор на формула, можете да побарате совет од педијатар, медицинска сестра, фармацевт или друг квалификуван специјалист.

Можете да прочитате повеќе за индивидуалните формули на Novalac тука.

Доколку имате прашања, секогаш можете директно да не контактирате.

Која е разликата помеѓу универзалните и специјалните формули на Novalac?

Универзалните формули на Novalac се наменети за доенчиња:

• без посебни гастроинтестинални тегоби,
• кои од различни причини не се доени,
• кои се доени само делумно и затоа им е потребна замена за мајчиното млеко.

Од друга страна, специјалните формули на Novalac се развиени за доенчиња кои имаат:

• колики,
• запек,
• регургитација или подригнување,
• повеќе гастроинтестинални тегоби истовремено
• или специфични нутритивни потреби (на пр. алергии).

Сите формули на Novalac се клинички тестирани и прилагодени на нутритивните потреби на доенчињата во секоја фаза од развојот.

Можете да прочитате повеќе за поединечните формули на Novalac тука.

Доколку имате прашања, секогаш можете директно да не контактирате.

Дали постои формула што е многу слична на мајчиното млеко?

Мајчиното млеко е најдобрата храна за доенчиња и има уникатен состав што не може совршено да се имитира.

Сепак, формулите Novalac се развиени во согласност со европските упатства:

• се дизајнирани да му обезбедат на доенчето сите клучни хранливи материи за оптимален раст и развој,
• се прилагодени на возраста и развојните потреби на детето.

Целта на формулите Novalac е да им понудат на доенчињата нутритивно безбедна, висококвалитетна и исбалансирана алтернатива кога доењето не е можно.

Како можам да знам дали сум ја одбрала вистинската формула за моето дете?

Најдобри индикатори дека формулата е соодветна:

• доенчето добро ја прифаќа,
• е задоволено по оброкот,
• нема јасни гастроинтестинални тегоби,
• добива соодветна тежина и добро се развива.

Секое бебе е уникатно, па затоа е сосема нормално понекогаш нешто да треба да се прилагоди. Доколку имате какви било сомнежи или забележите тешкотии, консултирајте се со вашиот педијатар или фармацевт, кои можат да ви помогнат да направите избор.

Може ли да ги користам формулите Novalac долгорочно?

Да. Формулите на Novalac се развиени така што:

• ги обезбедуваат сите потребни хранливи материи за здрав раст и развој на детето,
• се погодни за долготрајна употреба во периодот за кој се наменети,
• ги задоволуваат нутритивните потреби на доенчињата и малите деца во различни фази од развојот.

Важно е секогаш да изберете формула што е соодветна за возраста на детето и да ги следите упатствата за подготовка и употреба.

Каде можам да купам формули на Novalac?

Формулите на Novalac се достапни во Р. Македонија:

• во аптеки и онлајн аптеки

Купувањето на официјални продажни места е гаранција дека производот е оригинален, контролиран и безбеден, како и дека ги исполнува сите стандарди за квалитет.

Која е разликата помеѓу млечната формула Novalac 1 и Novalac 2?

Novalac 1 и Novalac 2 се универзални млечни формули прилагодени на различни фази од развојот на доенчето:

• Novalac 1 е почетна млечна формула, наменета за доенчиња од раѓање до 6 месеци, кога млекото може да биде единствена храна.
• Novalac 2 е преодна млечна формула, наменета за доенчиња од 6 до 12 месеци, кога доенчето постепено почнува да јаде цврста храна заедно со млекото.

Составот на двете формули е прилагоден на возраста на доенчето; затоа Novalac 2 е прилагоден на потребите на доенчето во периодот кога неговата исхрана почнува да се проширува.

Кога да се премине од млечна формула Novalac 1 на Novalac 2?

Преминувањето на млечната формула Novalac 2 се препорачува по 6-тиот месец. Потоа:

• доенчето постепено почнува да јаде цврста храна,
• млекото повеќе не е единствениот извор на хранливи материи.

Novalac 2 е погоден како додаток на разновидна исхрана или кога доењето е недоволно.

Дали петмесечно бебе може веќе да пие Novalac 2?

Не. Млечната формула Novalac 2 не се препорачува за доенчиња помлади од шест месеци.

Составот на храната Novalac 2 е прилагоден за постари доенчиња, па затоа е важно да не се прескокнуваат возрасните фази.

До шестиот месец од животот, соодветен избор е млечната формула Novalac 1 (или друга соодветна формула препорачана од медицински експерт).

Дали треба постепено да се префрлам помеѓу различни формули Novalac?

Во повеќето случаи, постепен премин не е потребен.

Формулите Novalac имаат сличен вкус, па затоа повеќето доенчиња добро ја прифаќаат промената. Ова значи дека еден оброк сè уште може да биде претходната формула, а следниот оброк нова формула.

Меѓутоа, ако ви се чини дека вашето дете е почувствително, можете да ја направите промената постепено, секогаш следејќи ја реакцијата на детето.

Потребни се најмалку 3–5 дена за новороденчето да се навикне на нова формула, затоа препорачуваме родителите да бидат упорни и трпеливи при менување и воведување нови формули.

Зошто формулите Novalac имаат сличен вкус?

Сличниот вкус на формулата Novalac не е случајност.

Наменет е за:

• преминот помеѓу различни формули (1, 2, 3) да биде што е можно понежен за новороденчето,
• намалување на можноста за отфрлање на новата формула,
• хранењето да биде попријатно искуство за новороденчето.

Ова е една од предностите што им го олеснува преминот помеѓу различните фази на развој.

Кога треба да почнам да го користам Novalac 3?

Млечната формула Novalac 3 е наменета за мали деца од 1 до 3 години.

Можете да ја користите:

• кога вашето дете ќе наполни една година,
• како додаток на разновидна исхрана,
• како вкусен млечен пијалак или оброк.

Важно:

Novalac 3 не е замена за разновидна исхрана, туку негов висококвалитетен додаток во текот на период на брз раст и развој.

Може ли да продолжам да го користам Novalac 2 или Novalac IT по 12-тиот месец?

Да, во одредени случаи е можно.

Можете да продолжите да ја користите млечната формула Novalac 2 дури и по 12-тиот месец ако вашето малечко добро ја толерира и ѝ се допаѓа.

Специјално адаптирани, т.е. специјални формули може да се користат дури и по 12 месеци ако проблемите на бебето продолжат и ако здравствениот работник ги препорачал.

Бидејќи вашето малечко веќе јаде разновидна исхрана по 12 месеци, не треба да се грижите дека формулата нема да обезбеди доволно хранливи материи.

Кога можам да почнам да воведувам кравјо млеко?

Во согласност со европските препораки за исхрана на доенчиња, кравјото млеко не се препорачува како главен извор на исхрана за доенчиња под 12 месеци бидејќи:

• не е прилагодено на нивните нутритивни потреби,
• содржи несоодветен сооднос на хранливи материи,
• може да го оптовари нивниот сè уште неразвиен гастроинтестинален систем.

Дури и по првата година, се препорачува да се избере млеко прилагодено на потребите на детето, како што е Novalac 3, бидејќи тоа ја надополнува разновидната исхрана и го поддржува растот и развојот на детето.

Што се функционални гастроинтестинални тегоби кај доенчиња?

Функционалните гастроинтестинални тегоби се чести и привремени потешкотии кои се јавуваат поради незрелоста на дигестивниот систем кај доенчето.

Најчесто се манифестираат како:

• колики (болка во стомакот, надуеност и плачење),
• запек,
• блуцкање или регургитација.

Иако можат да бидат многу стресни за родителите, овие тегоби во најголем број случаи се безопасни и постепено исчезнуваат со созревањето на дигестивниот систем на доенчето.

Која Novalac формула е соодветна при колики?

Кај коликите често се препорачува формула со прилагодена содржина на лактоза, бидејќи тоа помага да се намали ферментацијата во цревата, која може да предизвика болка, гасови и надуеност.

Ваквите формули се специјално развиени за подобра дигестивна толеранција и удобност кај доенчињата и се користат кога доењето не е возможно.

Која Novalac формула е соодветна при запек?

Кај запек се користат специјално прилагодени формули кои, благодарение на својот состав:

• ја стимулираат работата на цревата,
• ја омекнуваат столицата,
• помагаат во воспоставување поредовно празнење на цревата.

Запекот обично се карактеризира со ретко празнење на цревата, тврда столица и често е проследен со напрегање или плачење кај доенчето.

Што треба да направам ако доенчето има проблеми со регургитација?

Регургитацијата (блуцкањето) е честа појава кај доенчињата и најчесто е резултат на незрелоста на сфинктерот помеѓу желудникот и хранопроводот.

Во такви случаи се користат специјално прилагодени, згуснати формули кои:

• помагаат да се намали зачестеноста на блуцкањето,
• се прилагодени на нутритивните потреби на детето.

Доколку блуцкањето е изразено, често се повторува или трае подолг временски период, препорачуваме да се консултирате со педијатар.

Дали доенчето може истовремено да има колики и запек?

Да, тоа е можно. Дигестивниот систем на доенчето е сложен и понекогаш може истовремено да се појават повеќе гастроинтестинални тегоби.

Во такви случаи потребно е:

• најпрво да се реши посериозниот проблем,
• да се избере формула која е најсоодветна за моменталниот доминантен проблем,
• внимателно да се следи реакцијата на детето.

Секое доенче е различно, па затоа понекогаш е потребно извесно време за да се пронајде најсоодветното решение.

Достапни се млечни формули кои истовремено помагаат при повеќе гастроинтестинални тегоби.

Дали смеам да мешам различни Novalac млечни формули?

Мешањето на различни специјални Novalac формули генерално не се препорачува.

Иако ваквото мешање вообичаено не претставува ризик за детето, може:

• да ја намали ефикасноста на поединечната формула,
• да ја отежни проценката која формула навистина придонесува за подобрување на состојбата на детето.

Најдобри резултати се постигнуваат кога специјалните формули се користат самостојно, во согласност со намената за која се развиени.

Зошто се препорачува специјалните формули да се користат самостојно?

Специјалните формули се развиени со внимателно избран состав за да помогнат при конкретни состојби, како што се запек, колики или блуцкање.

Кога се користат самостојно, нивниот состав може да делува оптимално и да го обезбеди очекуваниот ефект. Воедно, тоа овозможува полесно да се процени нивната ефикасност и да се избегне преклопување на дејството на различните состојки од повеќе формули.

Колку долго треба да се користат специјалните формули за да се забележат резултати?

Се препорачува специјалните формули да се користат најмалку 3–5 последователни дена, бидејќи нивните ефекти обично се забележуваат во рок од неколку дена. Сепак, кај некои доенчиња може да биде потребно  подолго време за да се постигне посакуваниот ефект.

Важно е да се биде упорен и трпелив и внимателно да се следи реакцијата на доенчето.

Што треба да направам ако столицата на доенчето се промени по промена на формулата?

При промена на млечната формула, често може да дојде до промени во бојата, конзистенцијата или зачестеноста на столицата. Овие промени најчесто се привремени и претставуваат дел од процесот на прилагодување.

Ви препорачуваме да:

• му дадете на доенчето неколку дена за да се прилагоди на новата формула,
• ја следите неговата општа состојба, растот и развојот.

Доколку доенчето е расположено, добро напредува и добива на телесна тежина, вообичаено нема причина за загриженост.

Дали е нормално столицата на доенчето да биде зелена, темна или поретка?

Да, тоа е сосема нормално.

Кај доенчињата кои се хранат со млечна формула, столицата може да биде:

• зеленикава,
• потемна по боја,
• помека или поретка.

Доколку вашето доенче нема болки, добро расте и се развива, е активно и се чувствува добро, ваквите промени обично не укажуваат на здравствен проблем.

Сепак, доколку имате какви било сомнежи или прашања, секогаш можете да се консултирате со педијатар.

Колку млеко треба да испие моето доенче дневно?

Потребната количина на млеко постепено се менува како што расте доенчето. Во првите неколку месеци од животот, млекото претставува негов главен извор на исхрана, а подоцна останува важен дел од исхраната и по воведувањето на цврста храна.

Приближните дневни количини се:

• во 1-виот месец: околу 500–700 ml дневно,
• околу 6-тиот месец: околу 700–800 ml дневно,
• по навршена 1 година: околу 450–500 ml дневно.

Овие количини се ориентациони, бидејќи секое доенче е единствено и може да има различни нутритивни потреби.

Колку шишиња формула треба да испива моето дете дневно во зависност од возраста?

Бројот на оброци се намалува како што детето расте, додека количината на млеко по оброк се зголемува:

• во 1-виот месец: доенчето се храни приближно 6 пати дневно,
• во 2-риот месец: доенчето има околу 5 оброци дневно,
• од 3-тиот месец па натаму: доенчето има околу 4 оброци дневно.

Сепак, препорачуваме секогаш да се водите според индивидуалниот ритам на хранење и апетитот на вашето доенче.

Моето дете јаде повеќе од препорачаното – дали е тоа проблем?

Не, најчесто. Некои доенчиња се поактивни, растат побрзо или имаат поголеми енергетски потреби.

Доколку вашето дете добро напредува, нема гастроинтестинални тегоби и се развива во согласност со очекуваната крива на раст, поголемиот апетит обично не е причина за загриженост.

Сепак, доколку имате какви било сомнежи или прашања, најдобро е да се консултирате со педијатар.

Моето дете јаде помалку од количината наведена на пакувањето – дали јаде доволно?

Препорачаните количини наведени на пакувањето претставуваат просечни вредности и служат само како насока.

Поважно од точната количина на внесено млеко е:

• дали детето добива на телесна тежина,
• дали е активно и задоволно,
• дали се развива во согласност со својата возраст.

Доколку доенчето добро напредува, дури и помалите оброци најчесто се доволни за да ги задоволат неговите нутритивни потреби.

Колку долго доенчето треба да биде сито после еден оброк?

Во просек, еден оброк треба да го засити доенчето:

• приближно 3–4 часа во првите неколку месеци од животот,
• подоцна 4–6 часа.

Сепак, овие вредности се само ориентациони, бидејќи секое доенче има свои индивидуални потреби. Некои бебиња се хранат почесто, а други поретко, и двете ситуации можат да бидат сосема нормални.

Дали формулата ќе го засити моето доенче доволно?

Да. Формулата е развиена така што ги обезбедува сите неопходни хранливи материи потребни за здрав раст и развој на доенчето, притоа овозможувајќи чувство на ситост во согласност со неговата возраст и индивидуални потреби.

Доколку забележите дека вашето доенче брзо огладнува по оброкот, препорачливо е да се консултирате со педијатар или фармацевт, кои ќе можат да ве советуваат за понатамошните чекори.

Витамини и минерали

Дали формулите Novalac ги содржат сите потребни витамини?

Да. Формулите Novalac ги содржат сите клучни витамини и минерали што му се потребни на бебето за нормален раст и развој на одредена возраст.

Составот на млечните формули е внимателно прилагоден на возраста и нутритивните потреби на бебето и е во согласност со тековните препораки за исхрана.

Дали треба да му давам на моето дете дополнително витамин Д?

Да. Без оглед на тоа дали бебето е доено или хрането со формула, во Македонија се препорачува додавање на витамин Д во согласност со упатствата на педијатар.

Витаминот Д е важен за:

• нормален раст и развој на коските кај децата,
• апсорпција на калциум,
• функција на имунолошкиот систем.

Секогаш прво консултирајте се со вашиот педијатар за начинот и дозата на витамин Д.

Може ли да додадам витамин Д или флуор во шишето?

Не препорачуваме додавање на витамин Д или флуор во шишето.

Причините за ова се:

• витаминот Д е во форма на маслени капки и не се распределува рамномерно во млекото;
• флуорот се апсорбира помалку ефикасно во присуство на млеко.

Најдобро е да му давате на вашето дете витамин Д или флуор одделно, во согласност со препораките на здравствен работник.

Зошто и колку долго треба да додавам флуор?

Флуор помага во заштитата на забите од кариес и одржување на минерализацијата на забите.

Дали треба да се додава и колку долго зависи првенствено од:

• содржината на флуор во водата за пиење,
• возраста на детето,
• навиките во исхраната на детето.

Бидејќи прекумерниот внес на флуор може да предизвика проблеми со забната глеѓ, секогаш консултирајте се со педијатар или детски стоматолог пред да додадете флуор.

Поединечни состојки

Што се есенцијални масни киселини и зошто се важни?

Есенцијалните масни киселини се масти што телото не може само да ги произведе и мора да се внесат преку храната.

Тие се важни за:

• развој на мозокот,
• развој на видот,
• целокупен раст и развој на детето.

Формулите Novalac содржат есенцијални масни киселини во внимателно прилагоден сооднос.

Што е лактоза и која е нејзината улога?

Лактозата е природен млечен шеќер кој е присутен и во мајчиното млеко.

Улогата на лактозата е да обезбеди енергија, да ја стимулира апсорпцијата на калциум и други минерали и да служи како храна за корисните цревни бактерии.

Зошто некои формули содржат повеќе или помалку лактоза?

Различни количини на лактоза се прилагодени на различните потреби на доенчињата.

Некои доенчиња добро ја толерираат лактозата, додека кај други, поголемите количини на лактоза можат да предизвикаат гастроинтестинални проблеми.

Затоа постојат формули:

• со нормална количина на лактоза,
• со намалена содржина на лактоза,
• со состав прилагоден на нутритивните потреби.

Изборот на формула секогаш треба да се прилагоди на секое дете.

Што се малтодекстрини, скроб и глукозен сируп?

Ова се различни форми на јаглехидрати кои обезбедуваат енергија, влијаат на ситоста и придонесуваат за соодветната текстура на млекото.

Некои од овие јаглехидрати се варат побавно, помагајќи му на доенчето да остане сито подолго време.

Што е лецитин?

Лецитинот е природна супстанца (фосфолипид) која е вклучена во функционирањето на клеточните мембрани, придонесува за развојот на мозокот и игра важна улога во метаболизмот на мастите.

Што се таурин и карнитин?

Тауринот и карнитинот се аминокиселини кои возрасното тело може да ги произведе самостојно, но доенчињата мора да ги консумираат преку храната.

Нивната улога е да помогнат во метаболизмот на мастите, да го поддржат развојот на нервниот систем и да придонесат за целокупниот развој на доенчето.

Што е казеин и која е неговата улога?

Казеинот е еден од протеините што се наоѓаат во млекото.

Во млечните формули за доенчиња, односот меѓу казеинот и протеините од сурутката е прилагоден на возраста на доенчето, бидејќи тоа влијае на сварливоста, чувството на ситост и приспособеноста кон гастроинтестиналниот систем на доенчето.

(Предвреме родени бебиња, алергии)

Дали формулите Novalac се погодни за предвремено родени бебиња?

Формулите Novalac не се специјално дизајнирани за предвремено родени бебиња. Предвремено родените бебиња имаат специфични нутритивни потреби, поради што овие деца секогаш се под строг медицински надзор во почетниот период и генерално бараат посебно адаптирана исхрана.

Откако педијатарот ќе утврди дека новороденчето е доволно развиено (на пр. има соодветна телесна тежина, ја достигнало корегираната возраст итн.), по негова препорака можете да започнете со употреба на формули наменети за новороденчиња родени на време.

Кога можам да почнам да ја користам формулата Novalac за предвремено родени бебиња?

Можете да воведете формула Novalac за предвремно родени бебиња само по консултација со педијатарот, откако тој ќе процени дека новороденчето е подготвено за исхрана која е адаптирана за деца родени на време.

Доколку предвремено роденото бебе има гастроинтестинални проблеми (на пр. колики, запек, регургитација итн.), педијатарот ќе процени која формула е најсоодветна во тој момент.

Што треба да направам ако се сомневам на алергија на протеини од кравјо млеко?

Доколку забележите знаци кај вашето бебе кои би можеле да укажуваат на алергија на протеини од кравјо млеко (на пр. честа регургитација, дијареја, осип на кожата, немир, крв или слуз во столицата), многу е важно што е можно поскоро да го контактирате вашиот педијатар.

Лекувањето често се базира на целосно елиминирање на протеините од кравјо млеко од исхраната, со употреба на специјални формули прилагодени за алергии.

Што треба да направам ако состојбата не се подобри по воведувањето на хипоалергенска формула?

Трпението е клучно кај алергиите. Ефектите од хипоалергенската формула може да се видат само по една до две недели редовна употреба.

Ако состојбата не се подобри по овој период или ако симптомите дури и се влошат, не ја менувајте сами формулата и повторно контактирајте го вашиот педијатар.

Лекарот ќе може да процени дали е потребно дополнително дијагностичко тестирање или дали е потребно префрлување на друга, поспецијализирана формула (на пр., формула базирана на аминокиселини).

Секое бебе е различно, па затоа индивидуалниот пристап е клучен кога станува збор за алергии.

Како е загарантирана безбедноста на формулите Novalac?

Безбедноста е една од основните вредности на брендот Novalac. Целиот процес – од селекција на млекото до готов производ – е строго контролиран.

Формулите Novalac се произведуваат во Европа (во Германија и Франција) од свежо млеко од одбрани фарми лоцирани на не повеќе од 200 км од производствениот погон.

Секоја фаза од производството се спроведува во согласност со многу строги европски прописи, кои честопати дури и ги надминуваат законските барања.

Што значи тоа што секоја серија поминува повеќе од 700 контролни тестови?

Ова значи дека секоја серија формули Novalac се проверува неколку пати во текот на целиот производствен процес.

Тестовите вклучуваат:

• физички, хемиски и микробиолошки анализи,
• контрола на суровини, вода, опрема и производствен погон,
• проверка на финалниот производ пред да се пушти на пазарот.

Само откако сите тестови ќе бидат успешно завршени, производот може да се стави на располагање на крајните корисници. Ова обезбедува постојан квалитет, безбедност и следливост.

Дали формулите Novalac содржат ГМО?

Не. Формулите на Novalac не содржат генетски модифицирани состојки.

Сите состојки што се користат доаѓаат од негенетски модифицирани извори, што е дел од нашите строги внатрешни стандарди за квалитет.

Дали Novalac има формула која е целосно на растителна основа?

Да. Асортиманот на Novalac вклучува и формула на растителна основа – Novalac Rice AR.

Тоа е формула базирана на хидролизирани протеини од ориз која:

• не содржи протеини од кравјо млеко,
• не содржи лактоза или глутен,
• е погодна за доенчиња со преосетливост на протеини од кравјо млеко или имаат интолеранција на лактоза,
• е згусната и погодна за регургитација.

Употребата на вакви формули е ја препорачува и контролира здравствен работник.

Дали постои формула на Novalac BIO?

Формулите на Novalac немаат ознака BIO/EKO, но тоа не значи понизок квалитет.

Напротив: стандардите според кои се произведуваат формулите Novalac се многу строги и честопати построги од барањата за органско производство.

За исхрана на доенчиња, најважни се безбедноста, нутритивната адекватност и докажаниот квалитет, а не само етикетата.

Колку е безбедна употребата на формула?

Употребата на формулите Novalac е безбедна.

Во производството на формулите се користи внимателно одбрано кравјо млеко, кое е предмет на строги безбедносни мерки:

• надзор на одгледувањето и хранењето на добитокот,
• забрана сточна храна од животинско потекло,
• спречување на присуство на загадувачи (на пр. пестициди и деоксин).

Сите формули Novalac ги исполнуваат највисоките европски безбедносни стандарди.

Што треба да направам ако забележам проблем со пакувањето на формулата?

Ако забележите какви било неправилности (на пр. необична густина, тешкотии со протокот низ цуцлата, оштетено пакување):

• престанете да го користите производот,
• зачувајте го пакувањето,
• контактирајте го продажното место или официјалниот дистрибутер на Novalac во Македонија.

Секоја лименка Novalac може да се следи по сериски број, што овозможува брза верификација и соодветно преземање на мерки. Безбедноста на вашето дете е секогаш на прво место.