Novalac Rice AR

* Како дел од разновидна исхрана

До врв наполнета и израмнета приложена мерна лажичка содржи 4,5 g храна Novalac Rice AR. Една мерна лажичка растворите ја во 30 ml вода. Дневната количина на храна и бројот на оброци прилагодите ги на возраста и потребите на доенчето или малото дете. Доколку лекарот не советува поинаку, следете ги препораките во табелата.

Храната Novalac Rice AR е концентрирана формула што содржи состојки со посебно време на рехидратација и густина. Пред употреба протресете малку посилно. Составот, изгледот, мирисот и вкусот може да се разликуваат од стандардната млечна храна. Novalac Rice AR може да содржи природно присутни бели грутчиња од хранливи влакна или да предизвика нешто помалку цврста и/или зеленкаста столица, но без последици или непријатност кај доенчињата и малите деца.

ПРЕД СЕКОЈА ПОДГОТОВКА НА ОБРОК ИЗМИЈТЕ ГИ РАЦЕТЕ.

• Шишето и капачето со цуцла сварете ги во вода. Оставете да вријат најмалку 5 минути.
• Водата за подготовка на оброкот сварете ја во поклопен сад. Оставете да врие најмалку 5 минути.
• Оладете ја водата во садот до 40°C и сипете ја во шишето.
• Со приложената мерна лажичка додајте го пропишаниот број мерки во шишето.
• Затворете го шишето и добро протресете додека прашокот целосно не се раствори.
• Подготвениот оброк оладете до на млака температура (37 °C), односно додека на кожата не чувствувате ниту топло ниту ладно.

Секогаш подготвувајте свеж оброк.

• • Чувајте на суво и ладно место, заштитено од светлина.
• • Производот може да се користи најмалку до датумот отпечатен на дното од лименката.
• • По првото отворање на лименката, содржината мора да се употреби во рок од три недели.
• • По секоја употреба цврсто затворете ја лименката.
• • Не чувајте неиспиен оброк. Остатокот фрлете го.

Дополнителен совет за подготовка на храната: Се препорачува веднаш по додавањето на прашокот во водата, силно да го завртите и протресете шишенцето за хранење се додека прашокот целосно не се раствори. Затоа шишенцето мора да биде доволно големо за содржината добро да се протресе. Доколку е потребно, родителите можат прво да ја подготват првата половина, а потоа втората: најпрво во целата количина добро загреана вода додадете половина од количината на прашокот, па промешајте и протресете го шишенцето за хранење, а потоа додадете ја преостанатата количина од прашокот и повторно добро промешајте и протресете го шишенцето. Брзината на подготовката е важна – не чекајте и не оставајте храната да „стои“. Ова може да помогне во намалување на грутките и згрутчувањето.

Поради посебниот состав на храната, нејзиниот изглед, мирис и вкус во шишенцето за хранење може да се разликуваат од стандардната млечна храна. Исто така, можна е и нешто помалку тврда и/или зеленкаста столица, но без непријатност за доенчето.

Составот на млечните формули Novalac е во склад со европските стандарди за детската млечна храна и не содржи генетски модифицирани организми (ГМО), а не содржи ни глутен.

Состав на млечна формула Novalac Rice AR

Во постојаната желба за усовршување на млечните формули за доенчиња, како и грижата за доенчињата и нивната што пооптимална исхрана, производителот повремено одлучува да направи мали промени во составот, кои бебињата обично не ги чувствуваат.

Во секој случај, ве уверуваме дека сите Novalac млечни формули за доенчиња на пазарот се одлични, квалитетни и прилагодени на потребите на доенчињата.

Различни состави може да се појават на пазарот уште некое време, но, како што ќе се трошат залихите, ќе се задржи само најновиот, дополнително изменет состав на млечните формули за новороденчиња Novalac. Почувствителните бебиња може да ја забележат промената, но со малку трпение брзо ќе се навикнат. Грижата за безбедни и квалитетни производи е наш приоритет, и поради тоа со Novalac настојуваме да му ја пружиме најдобрата поддршка на вашето бебе. Сите Novalac млечни формули за доенчиња се во согласност со регулаторните барања. Промените не влијаат на ефикасноста на млечните формули за доенчиња.

Мајчиното млеко е најдобрата храна за доенчиња. Novalac Rice AR да се користи само под лекарски надзор кај доенчиња и мали деца кои имаат симптоми за кои храната е наменета. Производот не смее да се користи како единствен извор на храна по 6-тиот месец од животот, ниту кај малапсорпција на гликоза и/или галактоза. Посебно внимание е потребно кај доенчиња со ослабен имунитет, предвремено родени доенчиња или новороденчиња со мала родилна тежина. Неправилната подготовка или чување може да биде опасно за здравјето. Производот не е погоден за парентерална примена или хранење преку сонда. Пакувано во контролирана атмосфера.