уреднички тим Novalac

Како безбедно да се подготви млечна формула со вода?

Водата што ја користиме за подготовка на млечна формула за доенчиња мора да биде од безбеден извор. Можете да користите флаширана вода или зовриена вода од чешма што вриела (да клокоти) околу пет минути и оладена на 40 °C.

Потоа, не чекајте повеќе од 30 минути за да го подготвите оброкот. Не ја подготвувајте формулата со врела вода за да не ги изгубите витамините и другите корисни состојки чувствителни на висока температура.

Важно известување за родителите: разредувањето на млечната формула со додавање вода е опасно!

Додавањето повеќе вода во млечната формула од препорачаното со цел да се заштеди на млечната формула или давањето вода на детето наместо оброк може да предизвика опасна состојба наречена труење со вода.

Во позадина на предозирање или интоксикација со вода, се крие хипонатријемија, односно намалување на нивото на натриум во крвта. Симптомите што се јавуваат при ниски нивоа на натриум во крвта се главоболка, замор, гадење, често мокрење и дезориентација.

Додавањето повеќе вода од препорачаната во млечната формула, исто така, ја намалува концентрацијата на хранливи материи што детето треба да ги прима со секое хранење. Како последица на тоа, развојот и растот може да се забават. Токму поради овие причини, на родителите им се советува секогаш да го подготвуваат оброкот точно според упатствата на производителот.

Како да се тестира температурата на млечната формула во шишето?

Најлесниот начин да проверите е да ставите неколку капки на внатрешната страна од рачниот зглоб. Температурата на млекото мора да биде пријатна.

Колку долго може да се чува подготвената млечна формула?

Подгответе го оброкот според упатствата на производителот. Мора веднаш да го употребите, а остатокот да го фрлите. Млечните формули не се стерилни производи и не се препорачува чување на подготвениот млечен оброк (дури ни кога почетната и преодната формула се измешани со кашата) бидејќи бројот на бактерии може брзо да се зголеми. Ви препорачуваме да подготвите одредена количината на каша за која проценувате дека детето ќе ја изеде. Најважно е вашето дете да добие беспрекорен и свеж оброк.