Почетна > Интересно > Како да ги облекувате бебињата на ладно време

Како да ги облекувате бебињата на ладно време

Бебињата не знаат да зборуваат, така да не можат да Ви кажат дали им е ладно или топло. Ви даваме неколку совети за да знаете дали на бебињата им е удобно.

Како да ги облекувате бебињата на ладно време

Облечете го бебето слоевито

Ако се прашувате како да го облечете бебето, нашиот совет би бил – исто како и себе само додадете уште еден слој повеќе, така ќе знаете дали на бебето му е топло или ладно (исто како и на вас). Но не заборавајте штом ќе влезете во затворен простор или на пример во затоплен автомобил, дури и ако треба да го разбудите соблечете им го дополнителниот слој на облека. Капата, шалот и ракавиците секогаш отстранете ги дури и за краток престој во некоја просторија.

Слоевитото облекување е најпрактично бидејќи можете лесно дел по дел да го отстраните. Покрај тоа неколку слоеви се полесни за бебето отколку две подебели алишта.

Практични и удобни се зимските алишта исполнети со пердуви или со нешто слично на пердуви. Капата е неопходна дури и ако се носи од мода бидејќи во голема мера помага телото да остане топло (дури 25 проценти од топлината на телото се губи преку главата). Рацете заштитете ги со ракавици, а нозете со чорапи и чизми.

Прекумерната раздразливост, немир и плачење може да укажуваат дека детето не се чувства удобно.

Дали на бебето му е претопло или ладно можете лесно да проверите со допир на задниот дел на вратот или грбот. Ако кожата е испотена и топла, бебето е веројатно премногу топло облечено; соодветно ако кожата е ладна, треба да се додаде слој на облека или да го покриете.

Не грижете се ако рацете и нозете на бебето се ладни. Ладните раце и нозе укажуваат на тоа дека бебето сеуште нема развиена терморегулација, односно поради неизбалансирана терморегулација крвта оди во другите органи. После 6 недели кај бебињата родени во термин, центарот за терморегулација се развива, а прстите постепено ќе се затоплат кога бебето ќе почни да ги движи.

Дали е подобро кога е многу ладно да останете дома?

Ладното време не треба да ве спречи да го изнесете бебето надвор. Свежиот воздух придонесува за подобра здравствена состојба – колку е поладно, толку помалку причинители на болести има. За почеток доволни се 10 до 20 минути. Се зависи од возраста. Новороденчето не треба да оди на прошетка ако температурата е под 10 °C. После навршени 30 денови од раѓање препорачуваме до половина час на отворено доколку температурата е над нула. Во случај на ветар и магла подобро е прошетката да ја одложите.

Кога сте надвор од дома, земете со себе и резервна облека за да го промените бебето ако забележите дека облеката е влажна или додадете уште еден слој на облека доколку бебето е ладно.

Воспоставување на доењето

Мора да избира намирници кои, исто како млекото, не го оптеретуваат бебето туку му обезбедуваат оптимален раст и развој.

Прочитај повеќе
Редакција Novalac
Редакција Novalac,

Едноставни први оброци

После 17-тата недела, односно после наполнети 4 месеци од животот, време е за воведување на нови намирници и дополнителна храна (дохрана) кај доенчињата. Воведувањето на дохрана пред оваа возраст никако не се препорачува, бидејќи системот за варење кај доенчињата не е доволно развиен за да се бори со готовата храна. Исто така важно е и тоа да не го одложуваме предолго воведувањето на дохраната. Кај сите доенчиња со дохрана треба да се почне до 26 тата недела од животот.

Прочитај повеќе
Андреја Ширца Чампа
Андреја Ширца Чампа,
дипл. инж. прех. техн.
клинички нутриционист
Статии за правилна исхрана на доенчиња