Риба во исхраната на новороденчиња

Рибата, како и месото ги ставаме во групата на намирници кои се главен извор на протеини. Рибата е важен извор на протеини со висока биолошка вредност, а воедно и лесно се вари. Исто така е добар извор на витамини Б3, Б6, Б12, рибофлавин, фолна киселина, како и минерали како што се јод, селен, калиум и железо.

Во последните години, рибата освен поради лесно сварливите протеини, важна е и поради тоа што содржи »добри« масти. Рибиното масло содржи долговерижни незаситени ω-3 масни киселини, повеќе еикозапентаенска киселина (EPA) и докозахексаенска киселина (DHA). Содржината на мастите во рибата зависи од типот на рибата, сезоната и температурата на водата во која живеела рибата. Кога ќе се земат во предвид сите споменати фактори, уделот на мастите во рибата осцилира од 15-50%.

Рибиното месо има поволен хранлив состав и треба да се понуди на новороденчето по навршениот шести месец. Откако успешно сме вовеле месо во исхраната на новороденчето, можеме да пробаме периодично да го замениме со масна морска риба (препорачуваме да биде застапена еднаш неделно). Со тоа ќе ја збогатиме исхраната на новороденчето и истовремено ќе му овозможиме внес на важни хранливи материи. Споменатите ω-3 масни киселини (EPA и DHA) имаат важна улога кај новороденчињата во развој на острина на видот, растот и психомоторниот развој. Покрај тоа во морската риба се наоѓаат и витамините А и Д, кои се растворливи во масти. Рибата исто така е и еден од најбогатите извори на јод во исхраната.

При конзумирањето на риба традиционално сме загрижени поради тешките метали, но тоа не може да се спореди со позитивните ефекти кои рибата ги има за растот и развојот на новороденчето. Треба да се внимава и да се направи прав избор на риба. Познато е дека поголемите и постарите риби акумулираат поголема количина на тешки метали.

Затоа за исхрана на новороденчето се препорачуваат млади и мали риби кои се наоѓаат на почетокот на синџирот на исхрана. Одберете риби како што се скуши, ослиќ, сардела и лосос. Тешки метали обично содржат туната, ајкула, како и риби од Балтичко море па поради тоа не се препорачуваат за исхрана на новороденчето.

Подготовката на оброк со риба може да биде многу едноставна и брза, бидејќи на рибата за разлика од месото и е потребно пократка термичка обработка. Треба да внимаваме само на тоа да рибата ја припремаме на здрав начин односно да ја вариме, динстаме или печеме, никако на доенчето да му даваме пржена риба. Некогаш малку повеќе работа има околу чистењето на рибите од ситни коски. Кога подготвуваме риба како оброк за доенчиња и мали деца, мораме потполно да ја исчистиме од коските (најефикасна метода за чистење на риби од коски е дробење на вареното рибино месо помеѓу прстите). За да подготовката на првиот оброк со риба ви биде полесно, подготвивме неколку интересни рецепти кои можете да ги испробате за доенчињата кои наполниле шест месеци.

Тестенини со лосос

  • 30 гр. филети од лосос
  • 1 домат (средна големина) излупен
  • 60 гр. варени ситни тестенини без јајца
  • 10 гр. масло од маслена репа

Подготовка:

Лососовите филети ставете ги на алуминиумска фолија, претходно намрсена со масло и обложете ги со олупениот и насецкан домат. Сето тоа завиткајте го во аламиниумска фолија и печете 20 минути на температура од 180 ◦C целзиусеви. Во меѓувреме сварете ги тестенините.

Од печениот лосос прво отстранете го доматот, потоа иситнете го и притоа одстранете ги сите коски. Иситнетиот лосос изгмечете го заедно со доматот и сокот кој е останат од печењето и додајте ги варените тестенини. На крај додадете една лажичка од маслиновото масло и послужете.

Ослиќ со компир и спанаќ

  • 30 гр. филети од ослиќ или харинга
  • 1 помал компир
  • 70 гр. спанаќ
  • 10 гр. масло од репка

Подготовка:

Филетите од риба испечете ги во тава. Посебно сварете го компирот, а посебно спанаќот. Варениот компир изгмечете го и додајте му мали парчиња рибино месо, што претходно сте го исчистиле од коските. Во компирот со риба додадете масло од репка.

Варениот спанаќ ситно исецкајте го и послужете го со риба и компир.

Лосос со пире од карфиол

  • 30 гр лосос
  • 80 гр карфиол
  • 50 гр варен ориз
  • 10 гр масло од репка

Подготовка:

Лососовото филе испечете го во тава. Карфиолот сварете го и изгмечете го со малку од водата во која се варел така што да добиете каша. Во карфиолот додадете мали парчиња печен лосос и лажица масло од репка, а потоа заедно измешајте за да добиете каша. Рибината каша послужете ја со варен ориз.

Aлергија или неподнесување на лактоза?

Неподнесувањето на кравјо млеко е релативно чест проблем кај деца. Меѓутоа, не е исто ако Вашето дете има алергија или интолеранција.

Прочитај повеќе
Тајана Вурт
Тајана Вурт,
Стручен соработник за Novalac
Статии за правилна исхрана на доенчиња